हेक डियो हेक बाबा आपणे चेला लारे नद्दी मां झुल्ले पलता ला। ओ बेल्हे हेक जुवान उट्ठु जाये पलता ला ता ओण्हे बाबे नूं नद्दी मां झुलते डेखले ता बाबे कन्नू कस्सा पूछणे कल्ले रूकती गेल्ला। ओण्हे बाबे कन्नू पूछले, बाबा मन्नू हेक बात बावेड़, ए गांवा मां रहणे आल्ली बन्दी किसड़ी छी कां की में नवां-नवां इट्ठे आल्ला ता मन्नू ये जगा चे बारे मां कस्सा पता कोन्हीं।
बाबा ब़ोडला,“ भऊ, में दुद्धे सवाल चा जबाब बाद मां डी पहले तू मन्नू हा बावेड़ की तू जिसी जगा कन्नू आल्ला वे जगा पे रहणे आल्ले बन्दा चा सुभा किसड़ा हुत्ता।” जुवान ब़ोडला,“बाबा, वाचे बारे मां में का बावड़े तन्नू वे सारे कमीन ता चोर हुत्ते। ए सांगू ता में वान्हूं छोड़त्ती कन्न इट्ठे रिहूं आल्ला।” बाबा ब़ोडला,“ भऊ तन्नू ये गांवा मां वी उसड़ी बन्दी ठकरावे जक्को चोर ता कमीन छी।” ओ जुवान उगते चाहला गेल्ला। कतरा जीं देरी चे बाद नेरा जुवान उट्ठे आल्ला ता ओण्हे बाबे नूं नमसकार करले ता ब़ोडला बाबा में ये गांवा मां नवां-नवां आल्ला ता ये गांवा मां रहणा चहावे मगर मन्नू ये गांवा चे बन्दा बारे मां कस्सा पता कोन्हीं। ए सांगू तू मन्नू याचे बारे मां बावेड़ की हा जगा किसड़ी छे ता ये जगा पे रहणे आल्ले बन्दा चा सुभा किसड़ा छे।”
बाबा ब़ोडला,“ में दुद्धे सवाल चा जबाब ता डी पर्र तू मन्नू बावेड़ की जिट्ठे तू पहले रहता वां बन्दा चा सुभा किसड़ा हुत्ता।” जुवान ब़ोडला,“ बाबा जिट्ठे में पहले रहता वे गांवा ची बन्दी साफ-सुथरे विचार आल्ली ता इमानदार हुत्ती। माये ओ गांवा नूं छोड़ती कन्न आवणे चे मन कोन्हीं हुत्ते पर्र आपणे काम धन्धे कल्ले इंगे आवणे पड़ती गेल्ले ता इठली आबो हवा मन्नू भाती गेल्ली ए सांगू में तो कन्नू हा सवाल पूछला हुत्ता।” बाबा ब़ोडला, “ भऊ तन्नू इट्ठे रहणे आल्ली बन्दी वी साफ-सुथरे विचार आल्ली ता इमानदार मिले। ओ जुवान बाबे नूं नमसकार करती कन्न उगते चाहला गेल्ला।” ओच्चे चेले सब कोच्छ सुणी भिलते ले। वाचे जाणे चे बाद हेक चेला ब़ोडला, गुरजी तू डू जुवान नूं अल्ग-अल्ग जबाब कां डिल्ले हा बात अमची समझी मां कोन्हीं आल्ली। बाबा हंसती कन्न ब़ोडला,“ अम्हीं आपणे लारे चे चीजा नूं जिसड़े डेखू वी वे उसड़िया ना रिही वी। ए सांगू अम्हीं आपणी दीद लारे चीजा नूं डेखू वी ता जिसड़े अम्हीं रिहूं वी। अगर अम्हीं अछायी डेखणा चाहूं ता आच्छी बन्दी मिलती जायी वी ता अगर बुरायी डेखणा चाहूं ता बुरी बन्दी मिलती जायी वी। ईं सब कोच्छ आपणे-आपणे डेखणे चे नजरिये पे निरभर करे वे।
- टिपणी डाक करा
