पाला चा मोसम हुत्ता। बाग मां हरियाली हुत्ती। ओ बेल्हे राजा अकबर ने आपणे सेनिका नूं कहले की आज दरबार बाग मां लावा जत्ती। ओच्चे अदेस चा पालन हुल्ला। राजा अकबर, बीरबल ते ओच्चे सारे सेनापति बाग मां ब़ेहलते ले। अकबर चे कहले पे बीरबल आपणे राज मां नियाय चे काम नूं डेखता ते वाचा निपटारा करता। कतरा जीं देरी चे बाद दरबार मां हेक वेपारी आल्ला। ओण्हे हेक चोरी ची सकेत करली। ओ ब़ोडला की में हेक वार दिल्ली गेलता ला। में उट्ठे हेक सोने चा कबुतर डेखला हुत्ता। में ओ कबुतर डस सोने चे सिक्के डित्ती कन्न गेहला हुत्ता। में ओ कबुतर नूं पिन्जरे मां ढ़कती कन्न राखता ता सवेल्ले ते आत्थणा चे ओन्हूं डाणा चा चुगा नाखता। हेक डियो मन्नू कुई काम कल्ले ब़हार जाणे पड़ती गेल्ले ए सांगू कबुतर ची डेखभाल ची जिम्मेवारी आपणे नोकर नूं डिल्ली गेल्ला। में काम कन्नू पुट्ठा आल्ला ते डेखले की कबुतर पिन्जरे मां कोन्हीं हुत्ता। मन्नू आपणे सारे नोकर पे सक छे की वाण्हे कबुतर नूं मारती नाखले पर मां कन्नू वाचे खलाफ कुई सबूत कोन्हीं। वेपारिया चे सक चे कारण घर चे सारे नोकर नूं दरबार मां हकारले गेल्ले।
बीरबल ने वा कन्नू कई सवाल पूछले पर वाण्हे कुई जबाब नी डिल्ला। ये बाते नूं समझणे बडे ओखे हुत्ते की कबुतर काण्हे लकोला। ओ बेल्हे बीरबल ऊठला ते नोकर चे चाऊं पासू घुमला। बलति ओ जोरा-जोरा चे हंसु लागती गेल्ला। राजा अकबर ने ओ कन्नू ओच्चे हंसणे चा कारण पूछला। बीरबल ब़ोडला, महाराज चोर ता अमचे सामणे छे। ओण्हे जिसे बेल्हे कबुतर नूं पकड़ले हुत्ते ता कबुतर ची खांपे ओच्चे चोले नूं ब़िकत्ती गेलती ली। जान्हूं ओ आपणे चोले कन्नू हटावणा भूलति गेल्ला ता दरबार मां आती गेल्ला। बीरबल ची बात सुणती कन्न हेक नोकर घबराती गेल्ला ते आपणे हाथ नूं आपणी कन्डी पे फेरणे ची कोसिस करू लागती गेल्ला। इसड़े करते ओन्हूं बीरबल ने डेखती गेल्ले ते फटाफट ओन्हूं चोर समझती कन्न आंगू भुकाणले जत्ती।
सारा ने ओच्चा चोला डेखला पर ओच्चे चोले पे कुई खांप कोन्हीं हुत्ते। ओ बेल्हे बीरबल ब़ोडला,“ में चोर नूं पकड़ने कल्ले कूड़ मारले हुत्ते। मन्नू ये बाते चा पता हुत्ता की जिसे जीणे ने चोरी करली हुवी ओ हर हालती मां आपणा हाथ कन्डी पे फेरणे ची कोसिस करी। नेरे सारे जीणे अराम करती कन्न भिल्ले रहले ता एण्हे आपणी कन्डी पे हाथ फेरणे ची कोसिस करली ता हा ही चोर छे। ये तरकीब लारे बीरबल ने कबुतर चे चोर नूं पकड़ले। अकबर ने बलति बीरबल ची तरिफ करली ता सारे दरबारिया चे मूंह लड़कले गेल्ले।
- टिपणी डाक करा
