चिन्टू ते चीनी डोन्हीं ब़हेण भावे हुत्ती। डोन्हीं जिणी हेके ही इस्कूल मां पढ़ती। ए सांगू हेके डूजे चे लारे आती जत्ती। चिन्टू ते चीनी डू चे सुभा अल्ग-अल्ग हुत्ते। चीनी सीधी साधी हुत्ती ते चिन्टू नूं घरे पलिया आलिया चीजा खाणे ची गन्दी आद हुत्ती। उ बिसकोट्ट, नमकीन ते कुल्फी कस्सा वी ना छोड़ते। ओच्ची अय्या ओन्हूं ये बाते कल्ले रोज दड़काती। मगर ओच्चे पे कुई वी फरक ना पड़ता। हेक डियो ओच्ची आई ने घुस्से मां आती कन्न जिसी अलमारी मां बिसकोट्ट, नमकीन ता नेरिया चीजा पलतिया ला विन्नू जन्दरां मारती नाखला। वे अलमारी मां खाणे चे चीजा चे बजाय दवाया ता नेरा वी समान विच्चे मां पलता ला। हेक डियो चिन्टू ते चीनी इस्कूल मूं घरे आल्ली। चीनी नूं आते ही उल्टिया आऊं लागती गेलिया। सुरू मूं चिन्टू ने विच्चे पे कुई वी गोर नीं करला। जिसे बेल्हे चीनी नूं घणिया उल्टिया आऊं लागती गेलिया ता ओ बेल्हे ओण्हे आपणी अय्या नूं ओफिस मां फून करला ता चीनी ची तबियत चे बारे मां बावड़ले। अय्या ब़ोड़ली,“ मन्नू लागे की चीनी नूं लू लागती गेल्ली। तूं यूं कर अलमारी मां पल्ले गुलकोस नूं घोलती कन्न चीनी नूं पिला जत्ती। ओ ताणी में डागदर नूं फून करे।”
चिन्टू फून मेहलती कन्न जींवे अलमारी मूं गुलकोस काढ़णे कल्ले गेल्ले ता ओण्हे डेखले की अलमारी नूं जन्दरा लागला पलता ला। ओण्हे इंगे-उगे कुन्जी सोधली पर ओन्हूं किट्ठी वी कुन्जी नीं लाभली। ओण्हे बलति आपणी अय्या नूं फोन करला। अय्या ब़ोड़ली,“ हवे बेटा कुन्जी ता मां कन्नू छे।” चिन्टू ब़ोडला,“ हिम्मा कां हुवी, चिन्टू फोन मां रांऊ लागती गेल्ला।” बलति रोते-रोते ब़ोडला अय्या तूं अलमारी नूं जन्दरा कां मारला हुत्ता। विच्चे मां ता गुलकोस पलता ला। अय्या ब़ोड़ली,“तन्नू वी ता पता छे की विच्चे मां बिसकोट्ट ते नमकीन पल्ली ली जक्को तूं चोप्पचाप खाती जायी वी। ना तूं बिसकोट्ट खाये आ ना ही में जन्दरा मारे आ ना ही चीनी ची इतनी तबियत खराब हुवे आ। ठीक छे में डागदर नूं गेहली कन्न आवे पल्ली। चिन्टू ची हालत घणी खराब हुत्ती गेल्ली कां की कई बेल्हे चीनू नूं डेखे ता कई बेल्हे रांऊ लागती जाये। कतरा जी देरी मां ओच्ची अय्या आती गेल्ली। चिन्टू ब़ोडला,“ अय्या तूं हेको जीणी आल्ली। तन्नू पता वी हुत्ता की चीनी ची तबियत घणी खराब छे। इतने मां भीतरू साड आल्ला की में ता बिल्लकोल ठीक छे भऊ। चिन्टू ब़ोडला अय्या चे आते ही तूं बिल्लकोल ठीक हुत्ती गेल्ली। चिन्टू ने चीनी नूं गल्ले ला ले जत्ती ता कहले हिम्मा में कड्डी वी चोरी नीं करी। असल मां चीनी ते विच्ची अय्या ने चिन्टू नूं सब्बक सिखावणे कल्ले हा योजना बणालती ली।
- टिपणी डाक करा
