221 हेक पण्डत सेठ ते चोर तिन्हीं हेक्के डियो मेल्ले ता नरीकार ने तीं नूं भोहें पे बलति पूट्ठे भेजणे चे पहले वाच्ची इच्छा पूछली।
पण्डत ब़ोड़ला, मन्नू ता कुई बडे मन्दर मां भेजत्ती छोड़।
सेठ ब़ोड़ला, मन्नू घणे सारे पेसे डिती कन्न कुई सहर मां भेजत्ती छोड़।
चोर ने नरीकार नूं कहले, ये सेठ नूं जिट्ठे भेजी, उठला पत्ता मन्नू डियो जत्ती।
222 थाणेदार (जुवान नूं)- दुद्धे का गार हुत्ती गेल्ले।
जुवान- पहले ता में सब कोच्छ भुलति गेल्ला। हिम्मा मन्नू माये घर ना लाभी पल्ले।
223 राम (साम नूं)- अम्हीं पिछले साल बोम्बे गेलते ले ता आपू किसे होटल मां रूकले हुत्ते।
साम- कतरा रोक चमची डेखती कन्न बावड़े।
224 बिखारी (जुवान नूं)- डोन डिय्हे हुत्ती गेल्ली रोटी कोन्हीं खाली, कतरा मदत कर जत्ती।
जुवान- तू मन्नू बिखारी ता ना लागी। हा ये गेहे डस रूपे ता तू मन्नू बावेड़, दुद्धी इसड़ी हालत कींवे हुल्ली।
बिखारी- में वी दुद्धे आल्ली कन्न खरचखोर हुत्ता।
225 चुनाव मां हेक्के नेते चा चुनाव चेन्ह सेंकल हुत्ता।
राती चे वोंट मांगणे कल्ले गेल्ला ता हेक ब़ुड्ढी कोट्ठे चे दर मां ब़ेहलती ली। नेता ब़ोड़ला, माता जी, सेंकल चा ध्यान राखिओ।
ब़ुड्ढी ब़ोड़ली- पूत, भीतर भुकाणली जा, ब़हारू कुई छिकती जायी।
226 डोन मुरख जुवान बाता करी ब़ेहलते ले।
हेक ब़ोड़ला, अगर हाथी बणा चड़ती जाओ ता ओन्हूं तले उतारणे कल्ले का करणे पड़ी।
नेरा मुरख ब़ोड़ला, हाथी बणा चे पान पे चड़ती ब़ेसती रिहो ता पतझड़ चा मोसम आवणे ची बाट डेखो।
227 हेक चोर हेक्के घर चा जन्दरा भांने पलता ला।
ओण्हे जींवे घर चा जन्दरा भांला ता ओ बेल्हे घर चा मालिक आती गेल्ला।
मालिक ब़ोड़ला, में दुद्धा बड्डा एसानमन्द छे कि तू मन्नू जन्दरा भांती डिल्ला कांकि मां कन्नू चाब़ी गार हुत्ती गेलती ली।
228 हेक सेठाणी आपणे घरा ची नोकराणी कन्नू पिरोसान हुत्ती कन्न ब़ोड़ली, तू आपणी तनखां कन्नू घणी ता मायी ठांवे भांती नाखी वी। बावेड़ में हिम्मा दुद्धे का करे।
नोकराणी ब़ोड़ली- मायी तनखां बधाती डे।
229 मालिक (नोकर नूं)- यां सारा माच्छरा नूं मारती नाख। कतरा देरी चे बाद मालिक बलति ब़ोड़ला, तू यान्हूं मारले कोन्हीं। याच्ची अवाज सुणती-सुणती कन्न माये कान पकले जायी।
नोकर- साब, माच्छर नूं ता में घणी देरी चे मारती नाखले, ये ता वाचिया घराल्लिया छी जक्को रोवी ब़ेहलिया।
230 मसीन पे काम करते बेल्हे हेक्के मजूर ची आंगली बढली गेल्ली ता ओ जोरा-जोरा चे रोला मचाऊं लागती गेल्ला। उट्ठे घणी भीड़ भेली हुत्ती गेल्ली ता ओ बेल्हे उट्ठे मालिक आती गेल्ला। ओ मजूर नूं डेखती कन्न ब़ोड़ला, कमाल हुत्ती गेल्ला। हेक आंगली बढली ता इतना रोला-रप्पा मचाती डिल्ला। पिछले मेहने हेक्के मजूर ची गिच्ची बढली हुत्ती ओण्हे ता चूं तक कोन्हीं करली हुत्ती।
- टिपणी डाक करा
