201 गुरजी- 1869 मां का हुलते ले?
सुरेस- गांधी जमला हुत्ता।
गुरजी- बिलकोल्ल सई ब़ेसती रहे। पप्पू तू बावेड़………1872 मां का हुलते ले?
पप्पू- गुरजी, गांधी तीं साल चा हुत्ती गेलता ला।
202 गुरजी- क्लास मां झगड़ा कां नी करणा चाही छे?
पप्पू- कांकि अम्हांनू पत्ता कोन्हीं पेपर मां कड्डण काये भांसू ब़ेसणे पड़ती जाये।
203 हेक्के इस्कूल मां तीन भऊ पड़ते, मास्टर ने सारा मूं निकड़े भावा कन्नू पूछले- दुद्धे नेरे भावा चा ता मुच्छा कोन्हीं पर दुद्धिया कां छी, बलति वी तू सारा मूं निकड़ा छी।
निकड़े भावा ने जबाब डिल्ला- मायी सकल माये ब़ा पे गेल्ली ता माये भावा ची सकल मायी अय्या पे गेल्ली।
204 गुरजी ने ब़ाला कन्नू पूछले, बावड़ा डिया चे तारे किसे बेल्हे डिस्सी वी?
हेक्के छोरा ने जबाब डिल्ला- जिसे बेल्हे झापट लागी वी।
205 पहली क्लास चे ब़ाला नूं पेपर मां जीरो मिड़ली।
ब़ा घुस्से मां ब़ोड़ला, ईं का छे?
छोर- अब्बा, मेडम कन्नू तारे खतम हुत्ती गेलते ले ता ए सांगू विणे मन्नू चांद डिल्ला जत्ती।
206 जज- तू तिजी बार कचहेड़ी मां आवी पल्ला। तन्नू सरम ना आवी।
जुवान- तू ता रोज आवी वी, तन्नू ता किट्ठी पाणिया मां डूब़ती कन्न मरती जाणे चाही छे।
207 वपारी- दुद्धी भेंस ची आंख खराब छे, बलति वी तू ये भेंस चे पच्चीस हजार रूपे मांगी पल्ला।
जुवान- तन्नू भेंस डूध पीणे कल्ले गहणी या यिच्चे लारे बिहा करावणा।
208 नाई- काका, माल निकड़े-निकड़े करणे का?
काका- बडे कर सगी का?
209 घराल्ली (पुलिस आल्ले नूं)- माया घराल्ला पांच डिये पहले घोब़ी गिहूं गेलता ला। हिम्मा ताणी कोन्हीं आल्ला।
पुलिस आल्ला- बलति का हुत्ती गेल्ले, कुई नेरी भाजी चाड़ जत्ती, जरूरी छे कि घोब़ी चाड़नी।
210 संता(जूस काड़णे आल्ले नूं)- जलति हेक गलास जूस चा बणाती डे, लड़ाई होणे आल्ली छे।
संता हेक गलास पिती कन्न ब़ोड़ला, जलति कर हेक गलास नेरा बणाती डे, लड़ाई होणे आल्ली छे।
जूस काड़णे आल्ला- किसे बेल्हे हुवी लड़ाई जलति बावेड़?
संता- जिसे बेल्हे तू मां कन्नू पेसे गिहे।
