1- बजार मां बिकणे आलिया कुकड़ी चा किरका कन्नू बचले रिहा। जिसे बेल्हे तम्हीं हाथ लावा ते कुकड़ी चा किरका बाढा ता हर बेल्हे हाथ नू साबोण लारे धोवा। बदख चा किरका घणिया खराब छी। किरका बाढणे कल्ले हेक्की फट्टी चा इस्तमाल करा।
2- इण्डा कन्नू बचले रिहा। उब़ालणे कन्नू पहले वान्हूं आच्छी तरहांवे धोवा। इण्डे नू छिलणे ते भानणे चे बाद आप हाथ साबोण लारे धोवा।
3- कुकड़ी चे किरका नू आच्छी तरहांवे रांधा। कतरा जीं लाल लूहीं वी तम्हांनू बिमार कर सगे।
4- रंधलिया आलिया किरका नू साफ थाली मां मेल्हा। कच्चिया किरका नू धोले ते सुकाले ना हो ता ओ ताणी हेक्की थाली चा इस्तमाल ना करा।
5- बेन्न रंधलिया आलिया किरका मां जक्को चीजा, जीवें चाकू, फट्टी, कड़ाही ते नेरिया चीजा नू साबोण लारे धोवा ते बलति इस्तमाल करणे कन्नू पहले आच्छी तरहांवे सुखावा।
6- बिमार कुकड़ी ते खराब इण्डी बजार मां बेचणे आल्ला ची रखवाली राखा। कसाई बिमार जनावरा नू बेचती छोड़ी वी कांकि वान्हूं घाटा ना हो।
7- अगर जनावरा लारे होणे आल्ली बिमारी तमचे इलाके मां छे ता भीड़ आल्ली जगा पे जाणे कन्नू बचा। बन्दी बिमारी मसूस होणे चे पहले ही बिमारी नू फेला सगी।
8- अगर बुखार आवी पल्ले ते पाला लागे पल्ला ता फोरन डागदरा कन्नू मदत गिहा।
9- तम्हांनू खंगते ते छींकते बेल्हे आपणे मूं ते नाक नू कुई ओढण या आपणे हाथ लारे ढका।
10- जक्को कुई वी बिमार हो ओच्चे कुणबे चे बन्दा नू घरे रहणे चाही छे।
नेरा बन्दा मां बिमारी फेलणे कन्नू रोकणे कल्ले रोगी बन्दे डस डिय्हे घर मूं ब़हारू ना निकलो।
.jpg)
हिमकी टिपणी