हेकवारी हेक राजा आपणे राज्ये मां घुमणे कल्ले निकड़ला। घुमते-घुमते ओ हेके गांवा मां पुजला। ओण्हे उट्ठे डेखले की हेके खेत मां हेक किसान काम करे पलता ला। ओ पघरों पाणी हुल्ला भिलता पर ओच्चे मूंह पे मेहनती ची खुसी हुत्ती। ओ खूवा मूं पाणी छिकती खेत मां नाखे पलता ला। राजे ओन्हूं मेहनत करते डेखले ते ओची मदद कल्ले कसा इन्तजाम करले। ओन्हूं खेत मां पाणी लावणे मां आसानी हो। कोच्छ डिय्हा चे बाद राजा घुमणे कल्ले बलति निकड़ला। ओ ओच्चे खेत मां पूजला ता डेखले की ओची सारी रहड़ सुखली पलती ली ते ढोरे खेत मां घिरली पलती ली। हा डेखती कन्न राजे नूं बडा अचम्बा हुल्ला।
ओ लारे बणली आल्ली झुपड़ी मां गेल्ला ता डेखले की किसान ची तबियत खराब हुत्ती। राजे ने ओ कन्नू पूछले ते इतने मां ओची टब़री ब़ोड़ली एची ये हालती चा जिमेदार राजा छे। टब़री ने राजे नूं कहले दुद्धी वजह कन्नू किसान नूं अराम करणे ची आदत पड़ती गेल्ली। ए वजहे कन्नू हा बिमार पड़ती गेल्ला। राजा उट्ठू पुट्ठा आती गेल्ला मगर ओची समझी मां हेक बात आती गेल्ली की मेहनत करणे लारे खुसी मिले वे। मेहनत करती बन्दे ठीक रहे सगे।
