हेक सम्मे ची बात छे, घणे सारे डेडर जंगल मां जायी पलते ले। वे आपसी बाता मां घणे मगन हुल्ले जायी ले। ओ बेल्हे वाच्चे मूं डोन डेडर खड्डे मां ढेती पल्ले। नेरे डेडर ने डेखले ता वाच्चे यार घणे झिंक्के खड्डे मां ढेती पल्ले। खड्डा घणा झिंक्का हुत्ता ए सांगू वाण्हे सोचले की याचे ब़हारू निकलणे घणे ओखे काम छे। वाण्हे वान्हूं साड डिल्ला की तम्हीं डोन्हीं आपणे आप नूं मरले आल्ले समझा जत्ती। इतने झिंक्के खड्डे मूं निकलणे घणे ओखे काम छे। डेडरा ने वाची बाते पे ध्यान कोन्हीं डिल्ला ते ब़हारू निकलणे ची कोसिस करू लागती गेल्ले। ब़हारू भिल्ले आल्ले डेडर जोरा-जोरा चे ब़ोलू लागती गेल्ले की तम्हीं ब़हारू निकलणे ची कोसिस ना करा। हिम्मा तम्हीं ब़हारू नीं आ सगा।
कतरा जी देर टप्पे मारले ते वे खड्डे मूं ब़हारू नी निकल सगले ता हेके डेडर ने आस छोड़ती डिल्ली ते तले ढेती कन्न मरती पल्ला। नेरे डेडर ने आपणी कोसिस जारी राखली ते हेके जोरा लारे खड्डे चे ब़हारू आती गेल्ला। जीवें ओ ब़हारू आल्ला ते नेरा डेडरा ने ओ कन्नू पुछले, अम्हीं तन्नू कहते रहले की ब़हारू आवणे ओखे काम छे ता तू टप्पे कां मारता रहला। ओ डेडर ब़ोडला, मन्नू कतरा जी कम सुणीजे वे ते में टप्पे मारता रहला। मन्नू लागले की तम्हीं माया होंसला बढ़ावा पल्ले ए सांगू में कोसिस जारी राखली ते ब़हारू आती गेल्ला।
सीख- सारा मूं पहले ता अम्हा नूं ओच्चा होंसला बढ़ावणे आल्ली बात कहणी चाही छे। डूजे हा की अगर आपा नूं खोद्द पे भरोसा छे ता नेरे का किहीं पल्ले एच्ची परवां नीं करणी चाही छे।
