हेक वारी हेक जुवान आपणी छ्वेरी चा बिहा करणे कल्ले। हेके सोंकार कन्नू ठांवे मांगणे कल्ले गेल्ला। सोंकार ने ओन्हूं कहले की कई जमानत गिवाहाती डे। ओण्हे सोंकार नूं जमानत गिवाहाती डिल्ली ते मन मां सोचले की हाली ता मन्नू घणे बिहे करणे के ताणी जमानत डित्ता रिहीं। ओण्हे हेक उपाय सोचला। जिसे बेल्हे ठांवे पुट्ठी डिऊं गेल्ला ता वाच्चे लारे पांच ठांवे नेरी वी चल्ली गेल्ला ते सेठ नूं कहले की ये याचे ब़ाले हुल्ली। सेठ ने सोचले हा आच्छा बेकूफ मिलती गेल्ला। सेठ ने सारी ठांवे मेहली जत्ती। ओ जुवान दोबारा नेरे बिहा कल्ले ठांवे चाऊं गेल्ला ते सेठ ने बेन्न जमानती चे ठांवे डिल्ली जत्ती। जुवान ने ठांवे पुट्ठी डित्ते बेल्हे बलति छोटी मोटी ठांवे लारे डिल्ली जत्ती ते सेठ नूं कहले ये याची ब़ाले हुल्ली। वे वी में तन्नू डिये पल्ला।
नेरा वारी जुवान जिसे बेल्हे ठांवे मांगू गेल्ला ते सेठ ब़ोडला, ए वारी में बडा धुमधामी लारे बिहा करे पल्ला ए सांगू पितला ते जस्सी चे ठांवा लारे काम नी चल्ली। सेठ ने ठांवा ची लालची मां सोने ते चान्दी ची ठांवे वी ओन्हूं डित्ती छोड़ली। तीं-चऊं डिय्हा चे बाद ओ जुवान आती कन्न सेठ सामणे राऊं लागती गेल्ला ते ब़ोडला, सेठ दुद्धी ठांवे ता मरती गेल्ली। सेठ ने घुस्से मां आती कन्न ओच्चे पे केस करती डिल्ला। जज ने जुवान कन्नू पूछले एच्ची ठांवे किवें मेल्ली। ओ जुवान ने सारा किस्सा जज नूं बावड़ला जत्ती। जज ब़ोडला जक्को ठांवे ब़ाले डे सगी, वे ठांवे मर वी सगी। सेठ नूं लालच करणे चा फल मिलती गेल्ला।
