हेक वारी हेक किसान हेक ब़ाकरी, हेक खड़ ची गांठड़ी ते हेके सेर नूं गेहती कन्न नद्दी लारे भिलता ला। ओन्हूं बेड़ी लारे नद्दी पार करणी हुत्ती पर बेड़ी घणी निकड़ी हुत्ती। ओ सारा समान चत्ती कन्न हेक्की वारी मां ना जा सगे ला। ओ अगर सेर नूं पहले पुजाओ ता इंगे ब़ाकरी सारे खड़ खाती जायी ते अगर खड़ नूं पहले पुजाओ ता इंगे सेर ब़ाकरी नूं खाती जायी।बाद मां ओन्हूं हेक उपाय सुझला। ओण्हे पहले ब़ाकरी नूं बेड़ी मां चल्ले ता नद्दी चे पेल्ले पासू पुजाले।
ओच्चे बाद डूजे चक्कर मां सेर नूं नद्दी चे पेल्ले पासू पुजाती कन्न ब़ाकरी नूं पुट्ठे चल्ली आल्ला। ए वारी ब़ाकरी नूं उट्ठे छोड़ती कन्न खड़ ची गांठड़ी नूं चत्ती कन्न नेरे पासू सेर लारे मेहलती आल्ला। ओच्चे बाद ओ दोबारा ब़ेड़ी पुट्ठी गेहती कन्न ब़ाकरी नूं वी ऊल्ले पासू चत्ती आल्ला। यूं ओण्हे आपणी अक्कल मन्दी लारे नद्दी पार करली ते ओन्हूं कुई वी नुकसान कोन्हीं हुल्ले।
