हेक सम्मे ची बात छे, पहाड़ा पे हेक बाज रहता। ओच्चे लारे बणा पे हेक काग वी रहता। काग घणे आलसी सुभा चा हुत्ता। ओ आपणा भोजन सोधणे कल्ले मेहनत ना करता। ओ हमेसा अराम लारे खाणे ची सोचता ता बाज नूं सिकार करते हुये डेखता ते आपणे मन मां सोचता की ओ वी बाज आल्ली कन्न सिकार करणा सिखती जाओ ता पहाड़ा तले रहणे आल्ले सस्या चा सिकार करती कन्न कई डिय्हे मजे लारे खाले करी। सस्या चे सिकार चे बारे मां सोचती कन्न काग चे मूंहा मूं पाणी आऊं लागती गेल्ले।
हेक डियो काग ने तय करले की आज ता ओ बाज आल्ली कन्न सस्या चा सिकार करी। काग सस्ये नूं डेखती कन्न पहाड़ा कन्नू तले उडरला। काग घणी तिक्खे उडरला ते झपट्टा मारती सस्ये नूं पकड़ने ची कोसिस करली। सस्ये ने काग नूं आती डेखती कन्न बडे फत्थर भांसू लुकती ब़ेसती रहला। काग बडी तिक्खे तले आवे पलता ला ता ओ फत्थर नूं टकराला गेल्ला ते काग उट्ठी मेल्ला गेल्ला।
